الرئيسية
سلام مني ياصلـك ويـن ماكنـت
ويحب خشمك وانت ساس الرجولة
ياخوي ابعطيـك العناويـن لاهنـت
بعطيك هـرجً للبشـر مـا اقولـة
الطيبة ما صد عنهـا ولـو كنـت
متوسدن فقـري بعرضـة وطولـة
مشيت بـدروب الرجـال وتعلمـت
ان الفعـل مـا كـل يمنـا تطولـة
اخذت بالدنيـا مشاويـر وايقنـت
بأن الزمن ميدان صولـة وجولـة
احـدن يقـول ولا بقولـة تمعنـت
ومن دون هرجة قاصـراتً فعولـة
عن مجلسة كفيت نفسي ولا بنـت
ابعدت عن قربة ولا دجـت حولـة
واحدً قبل قولـة عرفـت وتبينـت
بانة يقـول ومـا يقولـة يطولـة
هذاك لاجت صحبتـة مـا تهاونـت
بالأولـة ماخـذ وسـام البطولـة
وانا وريث اهل الوفا يا فهد وانـت
تعرف بأنـي حافـظً كـل اصولـة
وان كان ما صنت الوفا وللعهد خنت
وشلـي بعـزوة طيبيـن الحمولـة
الطيب ابمشي سكتـة مـا تلاينـت
درب الردى دامي فحل من فحولـة
والنايفة ما صد عنهـا ولـو كنـت
فقري توسدنـي بعرضـة وطولـة
